Korabi dhe Flamurtari mbyllën në barazim

Korabi dhe Flamurtari e kanë mbyllur në barazim pa gola përballjen mes tyre, e vlefshme për javën e 10-të të Kategorisë së Parë. Sfida e fundit e kësaj jave përfundoi me rezultatin 0-0, pavarësisht rasteve të krijuara nga të dyja skuadrat.

Takimi në fjalë ishte mjaft i luftuar, me rivalitet në fushë dhe pretendime për penallti nga të dyja palët. Si Korabi, ashtu edhe Flamurtari patën mundësitë e tyre për të gjetur rrugën e rrjetës, por mungoi konkretizimi në momentet vendimtare.

Në përfundim, të dyja ekipet u detyruan të ndajnë nga një pikë. Ky rezultat është më i vlefshëm për Korabin, që synon të largohet nga zona e rrezikut dhe të sigurojë mbijetesën. Nga ana tjetër, Flamurtari humbi mundësinë për të marrë tri pikë dhe për t’iu afruar skuadrave që luftojnë në pjesën e sipërme të renditjes.