Nikoll Radaçi në gjyq për vdekjen e dy fëmijëve në aksidentin e Durrësit
Nikoll Radaçi, drejtuesi i automjetit që u përfshi në aksidentin tragjik të majit në Durrës, është dërguar për gjykim për veprën penale “Shkelja e rregullave të qarkullimit rrugor”, pasi dy fëmijë të mitur humbën jetën dhe një tjetër mbeti i plagosur.
Dërgohet për gjykim Nikoll Radaçi, 57-vjeçari që akuzohet për vdekjen e dy të miturve në aksidentin tragjik të 3 majit në Durrës. Çështja është dërguar për gjykim, ndërsa ai akuzohet për veprën penale “Shkelja e rregullave të qarkullimit rrugor”, me pasojë vdekjen e shtetasve të mitur.
Ndërkohë, për Nikoll Radaçin është kërkuar pushimi i akuzës për veprën penale “Drejtimi i mjetit në mënyrë të parregullt”, parashikuar nga neni 291 i Kodit Penal, për shkak të zbatimit të ligjit nr. 57/2026 “Për amnistinë”.
Aksidenti i rëndë ndodhi më 3 maj në Durrës, ku Radaçi u mori jetën dy fëmijëve të mitur, që po qëndronin në trotuar. Gjykata do të shqyrtojë kërkesën e organit të akuzës në seancën paraprake dhe të vendosë për vijimin e procesit gjyqësor.