Tre avionë të rinj për shuarjen e zjarreve/ Kreu i emergjencave civile zbulon kontratën në Kuvend
Tre avionë të rinj për përballimin e zjarreve pritet të shtohen flotës ajrore të Shqipërisë, dy prej tyre do të mbërrijnë në dhjetor dhe i treti në mars të vitit 2027.
Kreu i Emergjencave Civile, Haki Çako, deklaroi se kontrata për tre avionë të rinj për përballimin e zjarreve është mbyllur dhe se flota do të jetë në kapacitetin maksimal në vitin 2027. Dy avionët do të mbërrijnë në dhjetor dhe i treti në mars të vitit 2027. Çako tha se gjatë vitit 2026 Shqipëria nuk ka paraqitur asnjë kërkesë për ndihmë pranë Mekanizmit Evropian të Mbrojtjes Civile për përballimin e zjarreve, duke e bërë këtë e mundur falë gatishmërisë së flotës ajrore. Sipas tij, flota e helikopterëve ka arritur një nga arritjet operacionale më të suksesshme të shtetit shqiptar në vitin 2026. Në vitin 2025, Shqipëria kishte marrë asistencë nga vendet partnere të Mekanizmit Evropian të Mbrojtjes Civile, me 22 mjete ajrore për përballimin e zjarreve.