Noizy dëshmon në GJKKO: Edhe para dy muajsh më vunë eksploziv në një karton pice, Kleviol Ahmeti ka…
Këngëtari i njohur Noizy, i njohur edhe me emrin Rigels Rajku, ka dëshmuar në GJKKO për rastin e tritolit të vendosur në lokalin e Laert Haxhiut në qershor të vitit 2022. Ai ka deklaruar se ishte në gjumë në momentin e shpërthimit dhe se është njoftuar nga babai i tij.
Gjatë marrjes në pyetje si dëshmitar, Noizy ka deklaruar se në momentin e shpërthimit ishte në gjumë dhe se është njoftuar nga babai i tij. "Isha në gjumë, shpërthimi më zgjoi. Më merr babi, më thotë ngjarjen. Unë i kam thënë nuk dua të dal se më shohin njerëzit", ka deklaruar ai.
Noizy ka pohuar se e ka ditur se kush ia ka vendosur tritolin dhe se është një person i njohur, Kleviol Ahmeti. "E kam ditur kush e ka bërë. Ka dalë vetë personi, Kleviol Ahmeti, e ka thënë që e ka vënë Laerti për mua. Edhe para dy muajsh më vunë eksploziv në një karton pice. Policia e pa fitilin e pandezur. Është e njëjta dorë. E kam sqaruar mbi 20 herë se përse e ka bërë. Një ditë më parë patëm një përleshje me Kleviol Ahmetin. Më erdhi në lokal me 20 veta për t’u sqaruar. Ofendon stafin dhe mua. Nisi përleshja fizike, atë natë shpërthen dinamiti. Del live në TikTok ai dhe thotë pati bubullima nga Durrësi. E ka pranuar vetë", ka thënë këngëtari.
Noizy ka deklaruar se nuk e njeh Laert Haxhiun dhe se nuk di kush ishte personi që e vuri lëndën plasëse. "Nuk e njoh, vetëm pas rastit. Nuk e di kush ishte personi që e vuri lëndën plasëse. E tregoi vetë Klevioli në TikTok, ka një gjyq të hapur se më ka djegur dhe makinën. Personi që e ka djegur e ka pranuar që ka marrë 600 euro", ka thënë ai.
Gjykata i ka pyetur Noizyn për informacionet e tij për Kleviol Ahmetajn dhe për motivin e tij për të deklaruar këto informacione. Noizy ka deklaruar se ai e ka njoftuar vetë Kleviolin në rrjetet sociale dhe se ai ka pranuar se ka marrë 600 euro për të djegur makinën e Noizit.