Prizreni, një destinacion për shumë kukësjanë për të bërë pazarin dhe të shpëtuar shpenzimet
Shumë banorë të Kukësit shpesh kalonin kufirin drejt Kosovës për të bërë pazarin dhe të shpëtuar shpenzimet për ushqime.
Për shumë banorë të Kukësit, Prizreni është kthyer në një destinacion jo vetëm për vizita, por edhe për të bërë pazarin. Çdo ditë, një pjesë e tyre kalojnë kufirin drejt Kosovës, me bindjen se atje produktet e shportës ushqimore kushtojnë më pak. Por çfarë tregojnë çmimet? Një vëzhgim në marketet e Prizrenit dhe krahasimi me referencat e tregut shqiptar tregon se diferencat ndryshojnë sipas produkteve. Mielli rezulton më i lirë në Kosovë, ndërsa orizi kushton më shumë se referenca shqiptare. Për makaronat, çmimet janë pothuajse të njëjta. Pavarësisht diferencave në çmimet e produkteve, për shumë kukësian Prizreni mbetet një alternativë për të menaxhuar më mirë shpenzimet familjare. Një udhëtim përtej kufirit, që për ta, nis me një llogari të thjeshtë: si të mbushin shportën duke shpenzuar më pak.