Shtëpia 300-vjeçare e familjes Kraja në Shkodër rrezikon shembjen

Shtëpia e familjes Kraja në Shkodër është një tjetër dëshmi e historisë dhe arkitekturës tradicionale të Shkodrës që po shkon drejt rrënimit. Kalimi i viteve po merr me vete jo vetëm një ndërtesë karakteristike, por edhe gjurmë të kujtesës, traditës dhe trashëgimisë kulturore të qytetit.

Shtëpia është e pabanuar dhe në gjendje të rëndë, me afreska, tavanet e punuara, dyert, dritaret, sergjitë dhe trapazani që degradojnë dita-ditës. Afrim Kraja, pasardhës i familjes dhe pronar i kësaj banese, kërkon ndërhyrjen e institucioneve përgjegjëse për të shpëtuar objektin nga shembja. Ai kërkon restaurimin e tij nga shteti, ose në të kundërt, rishikimin e statusit monument kulture. Shtëpia e familjes Kraja është një pjesë e rëndësishme e historisë dhe traditës së Shkodrës dhe kërkon një mbrojtje të mjaftueshme për të ruajtur gjurmët e saj të kujtesës.