Pacientët e Shqipërisë udhëtojnë drejt spitaleve të Kosovës për tu trajtuar
Mijëra pacientë nga veriu i Shqipërisë udhëtojnë drejt spitaleve të Kosovës për tu trajtuar për shkak të mungesës së kapaciteteve ekzaminuese dhe mjekëve në Shqipëri.
Gëzimi, një pacient nga Tropoja, është shtruar në spitalin e Gjakovës për një problem në zemër. Ai u drejtohet fillimisht në spitalin e Bajram Currit, por mungesa e kapaciteteve ekzaminuese bëri që të transportohet drejt spitalit “Isa Grezda” në Gjakovë. Spitali i Gjakovës ka hapur dyert për pacientët nga Shqipëria dhe ka ofruar shërbime falas për rreth 4 mijë pacientë. Mjekët e spitalit shpjegojnë se në raste kur ka nevojë për trajtim më të specializuar, ata shpjegojnë edhe rrugën që ndjekin për të ndihmuar pacientët. Gjatë 9 mujorit të parë të këtij viti, spitali i Gjakovës ka ofruar 390 seanca dialize për pacientë nga Shqipëria, të gjitha pa asnjë pagesë. Mungesa e mjekëve, kapacitet e kufizuara në diagnostikim dhe imazheri si dhe largësia nga spitalet e Tiranës janë disa nga arsyet që pacientët e Shqipërisë po zgjedhin Kosovën për tu trajtuar.