Ancelotti jep mesazhin që lehtëson klubeve: Shëndeti i futbollistëve është prioritet
Trajneri i kombëtareve të Brazilit, Carlo Ancelotti, ka dhënë një mesazh qetësie klubeve për futbollistët që janë në dispozicion të kombëtarjes. Ai ka deklaruar se shëndeti i lojtarëve është prioritet dhe se do të menaxhojë minutat e tyre për të ruajtur atë.

Trajneri i kombëtareve të Brazilit, Carlo Ancelotti, ka dhënë një mesazh qetësie klubeve për futbollistët që janë në dispozicion të kombëtarjes. Ai ka deklaruar se shëndeti i lojtarëve është prioritet dhe se do të menaxhojë minutat e tyre për të ruajtur atë.
Ancelotti ka thënë se nuk do të sforcojë futbollistët në dy ndeshjet miqësore që Seleçao do të luajë këto ditë kundër Japonisë dhe Singaporit. Ai ka qenë i shqetësuar për gjendjen e Raphinhas, i cili në 3 ndeshjet e fundit të Brazilit ka pasur dëmtime.
"Shëndeti i lojtarëve është gjithnjë prioritet", tha Ancelotti. "Nëse një futbollist stërvitet në 100% dhe është në formë, mund të luajë. Në këtë aspekt, menaxhojmë minutat që duhet të luajë. Nëse nuk stërvitet, nuk luan. Ne dëshirojmë që gjithmonë t’ia kthejmë klubit një sportist në gjendje të mirë fizike, të përgatitur siç duhet, që të jetë stërvitur dhe të ketë luajtur, pa pasur nevojë t’i nënshtrohet kontrolleve mjekësore".
Ancelotti ka këmbënguluar në mesazhin e tij për të qetësuar klubet dhe të tjerët. "Klubet dhe të gjithë të tjerët mund të rrinë të qetë me kombëtaren. Pse? Sepse kemi të gjithë informacionin e mundshëm dhe të nevojshëm e për më tepër kemi një grup pune të një niveli botëror. Kur një lojtar vjen te Seleçao, të gjithë klubet mund të rrijnë të qetë sepse shëndeti i sportistit është prioritet".