Të shtëna me armë zjarri në Durrës
Të shtëna me armë zjarri në Durrës, pas një konflikti mes dy shtetasve, policia është në kërkim të autorit.

Të shtëna me armë zjarri janë regjistruar mbrëmjen e djeshme në lagjen nr. 6 të Durrësit, pas një konflikti për motive të dobëta mes dy shtetasve. Fatmirësisht, nga incidenti nuk raportohet për persona të lënduar, ndërsa policia është vënë në ndjekje të autorit të dyshuar, i cili është shpallur në kërkim.
Shërbimet e Policisë kanë shkuar menjëherë në vendngjarje, kanë rrethuar zonën dhe vijojnë kontrollet intensive për lokalizimin dhe kapjen e shtetasit H. Ll. autorit të dyshuar të të shtënave. Gjatë të shtënave nuk ka pasur të lënduar. Grupi hetimor, nën drejtimin e Prokurorisë, vijon veprimet për sqarimin dhe dokumentimin e plotë të rrethanave të ngjarjes.