Vajzat e Demi Moore festojnë 64-vjetorin e nënës së tyre me dashuri dhe admirim
Aktorja amerikane Demi Moore festoi ditëlindjen e saj të 64-t të mërkurën, në një atmosferë të ngrohtë familjare, e rrethuar nga tri vajzat e saj dhe mbesa. Vajzat e saj, Rumer, Scout dhe Tallulah Willis, publikuan dedikime dhe fotografie në rrjetet sociale për të shprehur dashurinë dhe admirimin për nënën e tyre.

Gjatë festës, Demi Moore ndau disa momente me ndjekësit në rrjetet sociale, duke publikuar fotografi dhe video nga kjo ditë e veçantë. Në njërën prej fotove, Moore shfaqet duke pozuar përpara tullumbaceve me emrin e saj, ndërsa në një video tjetër, tri vajzat dhe mbesa i këndojnë këngën tradicionale të ditëlindjes.
Një nga surprizat e veçanta të mbrëmjes ishte edhe një pjatë me biskota të dekoruara me fotografi të aktores nga filma të ndryshëm dhe sete fotografike që kanë shënuar karrierën e saj shumëvjeçare në Hollywood.
Vajzat e Demi Moore, Rumer, Scout dhe Tallulah, publikuan dedikime të shumta për nënën e tyre, duke shprehur dashurinë dhe admirimin për të. Rumer Willis, 38 vjeçe, publikoi disa fotografi nga fëmijëria, mes tyre edhe një imazh të ëmbël të aktores me mbesën Louetta.
Scout Willis, 35 vjeçe, ndau fotografi familjare dhe një video ku shfaqet duke ecur përkrah së ëmës në lëvizje të ngadaltë, në një skenë që ngjante me një sfilatë mode.
Tallulah Willis, 32 vjeçe, publikoi fotografi nga fëmijëria me aktoren, si dhe një imazh të saj me qenin Pilaf dhe aktoren Tilda Swinton. Ajo ndau gjithashtu një kujtim nga një intervistë e nënës së saj në vitin 1996, të cilën e kishte parë së fundmi.