Aktualitet

Të rinjtë në kurthin e lëndëve narkotike dhe basteve: Kur kurioziteti kthehet në varësi dhe argëtimi në rrezik

1 min leximPublikuar më

Burimi: Top Channel ·

Diskutimet në "Urban Gen" kanë vënë në vëmendje sfidat e të rinjve përballë varësive dhe ndikimi i shoqërisë.

Foto nga burimi: Urban Gen/ Të rinjtë në kurthin e lëndëve narkotike dhe basteve! Kur kurioziteti kthehet në varësi dhe argëtimi në rrezik

“Urban Gen” vijon të sjellë në ekran problematikat që prekin drejtpërdrejtë Gjeneratën Z, duke i kthyer të rinjtë nga spektatorë në protagonistë të debatit publik. Një diskutim i hapur në qendër të debatit në “Urban Gen”, një projekt i Fondacionit Dritan Hoxha, me mbështetjen e Agjencisë Kombëtare të Rinisë u bë mbi drogën dhe lojërat e fatit, ku vëmendja u përqendrua tek sfidat e të rinjve përballë varësive dhe ndikimi i shoqërisë. Eksperimentimi me substancat narkotike mund të nisë nga kurioziteti, dëshira për t’u dukur pjesë e grupit apo përpjekja për t’u larguar përkohësisht nga problemet e përditshme. Por ajo që fillon si një përvojë e rastësishme mund të kthehet në një varësi me pasoja për shëndetin, familjen, shkollimin dhe të ardhmen. Të rinjtë rrëfyen dhe eksperiencat personale dhe ndikimin e shoqërisë. Po aq shqetësuese është edhe varësia nga lojërat e fatit, veçanërisht në mjedisin digjital, ku bastet dhe format e tjera të lojërave të fatit mund të jenë vetëm disa klikime larg. Përmes diskutimeve mes të rinjve dhe ekspertëve, “Urban Gen” solli në vëmendje jo vetëm rreziqet e drogës dhe bixhozit, por edhe nevojën për alternativa të shëndetshme, mundësi zhvillimi dhe mbështetje për ata që përballen me varësinë.

Përmbajtje e përgatitur me ndihmën e automatizimit dhe me citim të burimit. Citimi nuk përbën verifikim të pavarur.

PARASHIKIMI I MOTIT

Moti në qytetin tënd

Po ngarkohet parashikimi…

Parashikimi nga tani: MET Norway · CC BY 4.0

HOROSKOPI I DITËS

Një çast për veten

Marrëdhëniet

Puna dhe planet

· Lexim për argëtim, i përzgjedhur automatikisht çdo ditë.