Keanu Reeves shofer për fituesit e garës së Las Vegasit në F1
Ylli i Hollywoodit, Keanu Reeves, u ngjit në bordin e një limuzine për të shoqëruar drejt podiumit 3 fituesit e Çmimit të Madh të Las Vegasit në Formula 1.

Keanu Reeves, i njohur për rolet e tij në filma si "Matrix" dhe "John Wick", tregoi një anë tjetër të personalitetit të tij kur u ngjit në bordin e një limuzine për të shoqëruar drejt podiumit 3 fituesit e Çmimit të Madh të Las Vegasit në Formula 1. Fituesit e garës, Max Verstapen i Red Bull dhe Lando Norris e Oscar Piastri të McLaren, dolën nga limuzina për të marrë pjesë në ceremoninë e podiumit.
Keanu Reeves nuk është i ri në botën e motorëve dhe e vlerëson edhe në jetën e tij private. Ai është pronar i një Porsche 911 seria 993 dhe është edhe në krye të një ndërmarrje motoçikletash, Arch Motorcycle. Ky interes për motorët mund të ketë qenë një nga arsyet pse ai pranoi të bëhej "shoferi" i fituesve të garës.
Imazhet e Keanu Reeves duke shoqëruar fituesit e garës janë bërë virale dhe tregojnë një skenë të çuditshme dhe të veçantë që mund të ndodhte vetëm në një qytet si Las Vegasi. Pilotët e Formula 1 duket se u ndien të sigurt me Keanu Reeves si shofer, duke parë sesi ai manovron në ekranin e madh.