Rada: Protestat e sotme janë një dhunë e përhapur dhe e sponsorizuar

Gazetari Ardit Rada, në një bisedë për Ora e Fundit në ABC News, tha se në krye të protestave ka elementë të tjerë përveç studentëve. Ai tha se mjaftojnë evidencat e personave të shoqëruar si elementë të dhunshëm që në ditën e parë pranë Ministrisë së Arsimit.

Rada tha se Partia Demokratike, nën udhëheqjen e Sali Berishës, ka marrë përsipër të furnizojë protestën me njerëz dhe se shumica e personave të dhunshëm që janë vërejtur në pamjet filmike të përditshme mbulojnë identitetin, duke sugjeruar se mund të kenë të bëjmë me elementë të sponsorizuar për të nxitur aktet e dhunës ndaj institucioneve dhe ndaj bizneseve.

Ai përmendi protestën e 21 janarit si një ngjarje e cila shënon një njollë të zezë në biografinë politike të Sali Berishës dhe tha se ajo ishte një ushtrim i drejtë i protestës, por e lokalizuar dhe e orientuar drejt institucionit të kryeministrisë. Sot, Rada tha se po dëshmojmë një dhunë të përhapur në të gjithë kryeqytetin me pasoja shumë të rënda kryesisht për biznesin privat dhe një sjellje ndryshe të policisë së shtetit.

Rada tha se në protestat e mëparshme, Berisha ka nxituar të deklarojë se protestuesit janë qëlluar me snajper dhe më pas e ka kamufluar atë dhe e ka zbukuruar duke thënë se janë qëlluar me snajper, por me plumba gome. Ai tha se kjo është një pretendim dhe fake news i përhapur nga Partia Demokratike dhe personalisht nga Sali Berisha.