Balla ndan video: O Sali, mjaft i mbushe çantat e deputetëve me bombula zjarri
Kreu i Grupit Parlamentar të PS-së, Taulant Balla, ka publikuar një video në rrjetin social Facebook ku shfaqet policia duke ndaluar disa të rinj, në çantat e të cilëve janë gjetur bombula gazi dhe mjete të forta.
Kreu i Grupit Parlamentar të PS-së, Taulant Balla, ka publikuar në rrjetin social Facebook një video ku shfaqet policia duke ndaluar disa të rinj, në çantat e të cilëve janë gjetur bombula gazi dhe mjete të forta. Në video shfaqet edhe anëtarja e Këshillit Kombëtar të Partisë Demokratike, Ilirjana Kuçana, e cila kundërshton shoqërimin e të rinjve. Krahas videos, Balla pretendon se ky veprim është nxitur nga kreu i PD-së, Sali Berisha, të cilit i thotë: “O Saaaaaali! Mjaft i mbushe çantat e deputetëve, kandidatëve me bombula zjarri, se nuk e djeg dot më ti Shqipërinë! Shikojeni kandidatin e Saliut dhe çantën plot me bombula zjarri”.