Forumi i Dialogut Politik propozon qeveri kujdestare dhe zgjedhje të reja për Shqipërinë
Forumi i Dialogut Politik ka propozuar krijimin e një qeverie kombëtare kujdestare dhe organizimin e zgjedhjeve të reja për të kapërcitur krizën politike dhe përshpejtuar procesin e integrimit evropian të Shqipërisë.
Shqipëria është në një krizë të thellë, sipas Forumit të Dialogut Politik, dhe qeveria është kthyer në pengesën kryesore për integrimin e vendit në Bashkimin Evropian. Forumi propozon krijimin e një qeverie kombëtare kujdestare, të përbërë nga personalitete publike dhe ekspertë, për kapërcimin e krizës dhe përshpejtimin e mbylljes së kapitujve të negociatave me BE-në. Propozimi i dytë i Forumit lidhet me përgatitjen e kushteve ligjore dhe kushtetuese për organizimin e zgjedhjeve të reja, të lira dhe të barabarta, pas mbylljes së kapitujve të negociatave. Forumi shpreh se Shqipëria nuk mund të humbasë edhe një tren tjetër drejt familjes evropiane për hir të karriges së pushtetit të një mazhorance që ka pasur 14 vjet kohë për ta përmbyllur me sukses këtë proces.