Çupi: Elisa Spiropali ka kontribut politik zero, vetëm servilizëm ndaj Ramës

Analisti Frrok Çupi ka komentuar qëndrimin e Elisa Spiropalit lidhur me situatën politike në vend dhe protestat, gjatë një interviste në “News Line” në ABC News. Çupi e vlerësoi qëndrimin e saj nga këndvështrimi moral dhe politik, duke pretenduar se ajo nuk ka kontribute të spikatura politike dhe se është karakterizuar nga servilizmi ndaj kryeministrit Edi Rama. “Është pikëpamje më shumë vështrim moral dhe politik. Njerëzit që dalin nga jo portë dhe hedhin gurë do të thotë se nuk kanë qenë socialistë. Është tjetër gjë Petro që ka tentuar të bëhet dikush në vitet e luftës ’97, kurse kjo tjetra nuk ka asgjë. Nuk ka kontribut politik, vepër, akt. Përveç servilizmit ndaj Edi Ramës, pra moralisht lë shije të keqe. Është një sens kulmor i pandershmërisë”, tha ndër të tjera ai.