Leka: Reagimi i SHBA, ishte i qartë dhe i prerë ndaj dhunës në Shqipëri
Analisti Martin Leka komentoi reagimin e ambasadës amerikane ndaj protestës së dhunshme në Shqipëri, duke thënë se ishte i qartë dhe i prerë ndaj dhunës. Leka gjithashtu kritikoi qëndrimin e PD dhe thotë se Berisha duhet ta kuptojë se me dhunë s'ka për të ardhur kurrë në pushtet.
Në një bisedë për Neës Hour, analisti Martin Leka komentoi zhvillimet e fundit në Shqipëri, duke përfshirë protestën e dhunshme në Bulevard dhe reagimin e ambasadës amerikane. Leka tha se reagimi i ambasadës ishte i qartë dhe i prerë, duke deklaruar se të gjithë janë kundër dhunës dhe shkatërrimeve.
“Problemi është si mund ta lexojnë të tjerët, se kushdo me logjikë të ftohtë është i qartë. Ishte një reagim në kohën e duhur, ishte një lloj shfryrje e tullumbaceve të mundshme, ku thuhej se nuk do ketë reagime. Ishte konkret, i qartë i prerë të gjithë janë kundër dhunës, kundër shkatërrimeve, etj. Në këtë aspekt një detyrë shumë e rëndësishme del tani për policinë. Disa pamje, edhe pse sporadike, nga elementë të caktuar, duhet të marrin fund. Policia duhet të reagojë sipas standardeve dhe të mos tekalojë të drejtën e vet dhe ligjet mbi të cilët operon”, tha Leka.
Leka gjithashtu komentoi qëndrimin e PD pas reagimit të ambasadës amerikane, duke thënë se Berisha duhet ta kuptojë se me dhunë s'ka për të ardhur kurrë në pushtet. “Për Berishën vetë, që sot ka thënë është turp nuk kam asnjë koment dhe s dua më të merrem me të, një element që personifikon dhunën Berishën duhet ta ndajmë nga pjesa e PD. E ka kuptuar që regimet e ndërkombëtarëve duhet të kuptojnë që nuk janë të mirëpritur nëse përkrahin akte dhune. Edhe një anëtare e kësh kombëtar të PD është kapur në flagrancë. Kjo tregon se Berisha ka njerëzit e vet për të hedhur gurin e fshehur dorën. Nuk e personalizon dot protestën e pamë edhe dje. Njëri kaloi Lanën për t’i shpëtuar protestuesve. Duhet të kuptojë me dhunë s’ka për të ardhur kurrë në pushtet”, tha Leka.