Bajrami: Studentët të protestojnë pa maska, Shqipëria nuk duhet të digjet

Këshilltari politik i Ali Ahmetit, Xhelil Bajrami, apelon studentët të protestojnë në mënyrë paqësore dhe të heqin maskat. Ai deklaron se Shqipëria nuk duhet të digjet dhe se protestat nuk kanë ende mbështetjen e madhe të shqiptarëve.

Bajrami tha se protesta e studentëve në Tiranë është një dhimbje e madhe për të gjithë dhe se duhet të distancohen nga maskat. Ai deklaroi se nuk ka student në Shqipëri që të mund të përdorë dhunë ndaj institucioneve, por maskat janë ato që i përdorin.

“Studentët të dalin të protestojnë në mënyrë paqësore pa maska, e ardhmja e Shqipërisë nuk duhet të ndërtohet me maska”, tha Bajrami.

Ai shtoi se këto protesta janë edhe një dorë e zgjatur e faktorëve të jashtëm që nuk duan një Shqipëri të fortë, anëtare të BE. Bajrami deklaroi se Shqipëria ka armiq shumë të bezdishëm edhe në Ballkan apo edhe më gjerë.

“Revolucioni nuk bëhet me maska, bëhet me qytetari, me protesta paqësore dhe jo duke djegur institucionet e shtetit shqiptar”, shtoi Bajrami.