Berisha thirret qytetarët për mos bindje civile dhe për të vërshuar drejt kryeqytetit

Kryetari i Partisë Demokratike, Sali Berisha, ka dalë në një deklaratë për mediat ku ka bërë thirrje demokratëve dhe qytetarëve nëpër rrethe për mos bindje civile. “Mos bindje civile është ndihma më e çmuar për studentët luftëtarë, për studentët dhe gjimnazistët, heronj të vërtetë”, tha kreu i PD-së.

Sipas Berishës, këtij regjimi të urryer do t’i dridhet toka nën këmbë. “Ndërsa qytetarët që mund të vijnë në Tiranë nesër, të vërshojnë drejt kryeqytetit. Këtu është sheshi ku fitorja do të firmoset nga qytetarët shqiptarë. Edhe një herë, thirrja ime është të gjithë në këmbë për t’i dhënë ndëshkimin e merituar këtij regjimi të urryer të këtij vendi”, u shpreh kryedemokrati.

Në fjalën e tij, Berisha gjithashtu i kërkoi dorëheqjen kryeministrit, Edi Rama. “Njofto një minutë e më parë dorëheqjen. Jep dorëheqjen, hapi rrugën zgjidhjes së denjë për një vend anëtar në Bashkimin Europian”, tha ai.