Arqipeshkvi Peragine: Shqipëria nuk meriton të përjetojë sërish plagët e së kaluarës

Arqipeshkvi i Shkodër-Pultit, imzot Giovanni Peragine, ka reaguar për protestat e ditëve të fundit në Shqipëri ndërsa thekson se Shqipëria nuk meriton të përjetojë sërish plagët e rënda të së kaluarës. Përmes një deklarate, ai u bën thirrje autoriteteve të dëgjojnë qytetarët, të hapin rrugë dialogut dhe të marrin vendime konkrete për t’iu përgjigjur kërkesave të tyre. Në reagimin e tij, arqipeshkvi thotë se në kushtet kur besimi te institucionet është tronditur dhe paqja shoqërore është vënë në rrezik, drejtuesit e vendit duhet të marrin përgjegjësitë që u takojnë dhe të veprojnë pa vonesë. Ai deklaroi se Shqipëria nuk meriton të përjetojë sërish plagët e rënda të së kaluarës.