Rama justifikon përdorimin e plumbave të gomës ndaj protestuesve: RENEA del kur ka kërcënim

Kryeministri Edi Rama ka justifikuar përdorimin e fishekëve të gomës nga policia gjatë protestave, duke argumentuar se kjo erdhi pas sulmeve me zare metalike ndaj efektivëve. Rama u ndal edhe te praninë e forcave RENEA gjatë protestave, duke thënë se dalja e tyre në terren është e domosdoshme kur ekziston një kërcënim. Rama paralajmëroi gjithashtu se do të shtohet presioni ndaj personave të maskuar që marrojnë pjesë në protestat, duke theksuar se ligji nuk lejon fshehjen e identitetit. "Efektivi i policisë mori zarin metalik këtu, iu ç'ua nofulla. Shoku e largoi kriminelin që qëlloi me saçme. Shikoni policinë në Francë që gjuajnë me plumba gome. RENEA ka detyrë të delë në momentin kur ka kërcënim, del kur luhet edhe një ndeshje futbolli Shqipëri-Serbi, ç'do të thotë kjo? Doli dhe do të delë, nuk diskutohet. Do të shtrëngohet rrethi ndaj atyre me maska, e ka edhe ligji që nuk mund ta fshehësh identitetin", tha Rama.