Protesta në Tiranë: Bulevardi "Dëshmorët e Kombit" është në fushë beteje

Protesta e studentëve është përshkallëzuar përpara selisë së Partisë Socialiste në Tiranë. Një grup i rinjsh ka nisur të ndjekin protestuesit, duke i gjetur të papergatitura forcat e rendit. Protestuesit kanë nisur të godasin selinë e Partisë Socialiste me gurë, duke shkaktuar thyerjen e disa xhamave të ndërtimit.

Forcat e policisë kanë ndërhyrë për shpërndarjen e protestuesve, duke përdorur ujë dhe gaz lotsjellës. Një numër i madh protestuesish ka mbushur rrugët e Tiranës, në ditën e gjashtë të protestave kundër qeverisë dhe sistemit politik. Vihet re një pjesëmarrje e konsiderueshme e qytetarëve, të cilët janë ndarë në disa grupe dhe po vijojnë marshimin në zona të ndryshme të kryeqytetit.

Protesta mbetet në zhvillim, ndërsa në qendër të Tiranës vijojnë lëvizjet e demonstruesve dhe prania e forcave të policisë. Një pjesë e pjesëmarrësve janë larguar nga grumbullimi kryesor dhe kanë vijuar lëvizjen në rrugë të ndryshme të kryeqytetit. Disa të rinj u kanë vënë flakën koshave të mbeturinave në mes të rrugës, duke krijuar vatra zjarri dhe pengesa për qarkullimin.