KMSH: Çdo mosmarrëveshje të kërkojë zgjidhje përmes dialogut

Komuniteti Mysliman i Shqipërisë ka ndarë një deklaratë lidhur me situatën e fundit në vend. KMSH shpreh shqetësimin për çdo situatë që mund të cenojë paqen sociale, sigurinë dhe bashkëjetesën mes qytetarëve.

Sipas KMSH-së, çdo mosmarrëveshje, sado e ndërlikuar të jetë, duhet të kërkojë zgjidhje përmes dialogut, dëgjimit të ndërsjellë dhe respektimit të ligjit dhe institucioneve. KMSH beson se e drejta për të shprehur, për të protestuar dhe për të kërkuar llogaridhëniet është pjesë e renditësishme e jetës shoqërore, ndërsa ruajtja e paqes, respekti ndaj tjetrit dhe shmangia e çdo forme dhune janë përgjegjësi e përbashkët e të gjithëve.

Në këto momente, nevojiten reflektim i sinqertë, urtësi dhe përgjegjësi nga të gjithë, për të vlerësuar pasojat e fjalëve dhe veprimeve tonë mbi jetën e përbashkët. KMSH thotë se është thirrje për institucionet t'u përgjigjen me seriozitet kërkesave të qytetarëve dhe të gjitha palëve të tregojnë vetëpërmbajtje, maturi dhe përgjegjësi, duke shmangur gjuhën nxitese, urrejtjen dhe çdo veprim që mund të thellojë përçarjen mes qytetarëve.

Shqipëria është shtëpia e përbashkët e të gjithëve. Dallimet në qëndrime dhe bindje nuk duhet të na largojnë nga njëri-tjetri, por t'na kujtojnë se paqja, dinjiteti njerëzor dhe e ardhmja e vendit janë vlera që na bashkojnë përtej çdo dallimi politik apo shoqëror.

Si institucion fetar, Komuniteti Mysliman i Shqipërisë mbetet i përkushtuar ndaj paqes, harmonisë, mirëkuptimit dhe bashkëjetesës. KMSH beson se fjala e urtë është më e fortë se zemërimi, se dialogu është më frytdhënës se përplasja dhe se përgjegjësia ndaj se mirës së përbashkët duhet të udhëheqë çdo veprim.

Në këto ditë, KMSH luten që Zoti i Madhëruar t'i japë vendit tonë qetësi dhe urtësi, t'u udhëzojë të gjithë drejt se mirës, t'u dhurojë zemrave paqe dhe mirëkuptim dhe t'iu ndihmojë drejtuesit, qytetarët dhe të gjithë aktorët e shoqërisë të gjejnë rrugën e dialogut dhe të zgjidhjeve të drejta.