Nënkryetari i PD-së: Ministri i Brendshëm provokoi demokratët, gaz lotsjellës në selinë e partisë

Deputeti dhe nënkryetari i Partisë Demokratike, Belind Këlliçi, tregoi se çfarë ndodhi mbrëmjen e kësaj dite në selinë e partisë, ndërsa zhvillohej protesta. Këlliçi u shpreh në një deklarate për mediat se policia hodhi gaz lotsjellës në ambientet e selisë. Për këtë akt, demokrata akuzoi Ministrin e Brendshëm, Ervin Demo, që sipas tij veproi me skenar të kryeministrit Edi Rama. "Ervin Demo ka provokuar demokratët, duke hedhur gaz në selinë e tyre. Këtu mund të shihni dhjetëra bombula gazi, pa pasur asnjë incident. Nuk kishte asnjë provokim. Kishte vetëm një tentativë për të barazuar ngjarjen që ndodhi sot në selinë e PS. Ishte një skenar i Edi Ramës, e kemi paralajmëruar. Ishin vetëm policët që kanë tentuar të dhunonin selinë e PD-së", tha Këlliçi.