Përplasje në Tiranë: Protestuesit qëllojnë me gurë policinë pranë Parkut Rinia
Protestuesit kanë nisur të hedhin gurë në drejtim të efektivëve dhe automjeteve të policisë, të cilat ndodheshin të pozicionuara pranë Kryesisë së Kuvendit në Tiranë.
Përplasjet mes protestuesve dhe policisë janë zhvendosur në bulevardin "Dëshmorët e Kombit", pranë Parkut Rinia, pas tensioneve të regjistruara më herët pranë selisë së Partisë Demokratike. Një grup protestuesish kanë nisur të hedhin gurë në drejtim të efektivëve dhe automjeteve të policisë, të cilat ndodheshin të pozicionuara pranë Kryesisë së Kuvendit. Pamjet tregojnë momentet kur protestuesit përballen me forcat e rendit, duke shënuar një tjetër episod tensioni gjatë protestës në kryeqytet. Lëvizja e përplasjeve nga një zonë në tjetrën ka shoqëruar zhvillimet e mbrëmjes, ndërsa efektivët vijojnë të jenë të pranishëm në terren.