Policia e Shtetit reagon për ngjarjen në selinë e PD-së

Policia e Shtetit ka reaguar lidhur me incidentin e shënuar gjatë mbrëmjes në selinë e Partisë Demokratike. Në reagim, theksohet se shërbimet e Policisë janë sulmuar me molotovë nga një grup personash të dhunshëm dhe të maskuar, të cilët, për të shpëtuar ndjekjes dhe kapjes nga ana e Policisë, u futën në ambientet e jashtme të selisë së subjektit politik Partia Demokratike dhe vijuan sulmin ndaj punonjësve të Policisë.

Ndërkohë, shërbimet e Policisë iu përgjigjën sulmit me molotovë nga ana e protestuesve të dhunshëm me gaz lotsjellës.

Të gjitha pretendimet e tjera janë të pavërteta, të qëllimshme dhe dashakeqe, me qëllim fshehjen e së vërtetës, nënvizohet në reagim.