"Dje u kalua vija e kuq" - Rama dhe Demo takim me policinë, ministri: Kjo nuk quhet më protestë

Kryeministri Edi Rama dhe ministri i Punëve të Brendshme, Ervin Demo, po mbajnë një takim me policinë e Shtetit. Ministri Demo deklaroi se ajo që ka ndodhur dje, ka kaluar vijën e kuqe dhe se komisariati nr. 3 është sulmuar nga protestues, duke goditur edhe godinën dhe punonjësit. Ai tha se janë dëmtuar duke mbrojtur godinën e policisë shtetërore dhe se kjo tregon se elementet e dhunës të përfshirë në protestë kanë arritur në nivele që tregojnë se kjo nuk është më protestë. Demo shtoi se elementët e dhunës gjetën strehë në selinë e një subjekti politik që tregon edhe motivimin e tyre. Ai tha se policia garanton protestën dhe se roli i tyre është për të ruajtur të drejtat e qytetarëve dhe se dhuna nuk ka vend në një qeveri demokratike. Rama dhe Demo kanë bërë të qartë se jemi gati të flasim, por dhuna nuk pranohet.