Rama: Protesta është e drejtë, por dhuna është krim dhe do të paguani financiarisht

Kryeministri Edi Rama ka reaguar përmes një postimi në rrjetet sociale lidhur me protestat e dhunshme në Tiranë. Ai ka theksuar se protesta është një e drejtë demokratike, ndërsa dhuna përbën krim. Rama ka bërë thirrje qytetarëve të mos bien pre e manipulimeve dhe ka paralajmëruar se dhunuesit dhe protestuesit që nuk distancohen prej tyre do të përballen me pasoja ligjore dhe financiare. Ai ka theksuar gjithashtu se mbetet i gatshëm për dialog me të gjithë, me përjashtim të dhunuesve dhe partive politike që nuk distancohen nga aktet e dhunës.