Zbulohet depoja që furnizonte dhunën: Magazina me pajisje të kontrabanduar dhe llastiqe gjuetie
Zbulohet një magazinë me pajisje të kontrabanduar dhe llastiqe gjuetie në Tiranë. 23-vjeçari që posedonte magazinën u kap duke iu shitur llastiqe dhe sfera pjesëmarrësve në protestat e ditëve të fundit.
Një operacion i koduar “Infrastruktura” u finalizua në Tiranë, duke rezultuar në zbulimin e një magazinës me pajisje të kontrabanduar dhe llastiqe gjuetie. Shtetasi O. M., 23 vjeç, u kap në flagrancë duke iu shitur pjesëmarrësve në protestë 30 llastiqe gjuetie me sfera metalike, që u sekuestruan me cilësinë e provës materiale.
Në magazinën e 23-vjeçarit u gjetën gjithsej 239 dronë të ndryshme, 75 llastiqe gjuetie, një sasi të konsiderueshme me sfera metalike, 44 celularë, 17 Powerbank, 10 pajisje për lokalizimin GPS të automjeteve, 11 llamba LED, 3 drynë elektronikë me GPS, një pajisje elektronike me antenë, 3 palë syze me videoregjistrues, pajisje DVR, 7 pajisje Bluetooth për automjete, 8 pajisje Blackbox me kamera për automjete, një kompresor, 8 elektrikë dore, 6 pajisje lazer, 2 pajisje Xiaomi Smart Plug 2, 3 pajisje elektronike, 5 pajisje K-68 për zbulimin e GPS-ve dhe kamerave, 12 pajisje kompjuterike, 7 pajisje me lojëra kompjuterike, 7 pajisje Watch 10 Pro Max dhe 8 çanta me hapje me gjurmë gishtash.
Vijon hetimi për të dokumentuar veprimtarinë kriminale të shtetasit O. M. dhe për të identifikuar dhe nxjerrë përpara përgjegjësisë penale shtetas të tjerë të përfshirë në të. Materialet procedurale iu referuan Prokurorisë për veprime të mëtejshme.