Gjimnazistët në Elbasan bojkotojnë mësimin dhe dalin në rrugët kryesore të qytetit
Gjimnazistët në Elbasan kanë bojkotuar mësimin dhe kanë dalë në rrugët kryesore të qytetit për të treguar solidaritetin me protestat antiqeveritare që po zhvillohen në Tiranë.
Në qytetin e Elbasanit, grupet e gjimnazistëve kanë rikthyer mëngjesin e kësaj të hënës në protestë, duke u mbledhur në bulevardin kryesor të qytetit dhe duke marshuar nëpër aksin kryesor të rrugëve. Përmes thirrjeve të tyre, të rinjtë u kanë drejtuar bashkëmoshatarëve, studentëve dhe qytetarëve të Elbasanit, duke i ftuar të bashkohen në shenjë solidariteti me protestën antiqeveritare që po zhvillohet prej javës së kaluar në kryeqytet. Protestuesit kanë përsëritur gjatë marshimit thirrjet politike: "Rama, jep dorëheqjen!", duke shprehur qëndrimet e tyre kundër klasës politike.