Mesazhi kërcënues, fals! Vinte nga Arabia Saudite, i ngjashëm me raste të tjera

Policia e Shtetit ka deklaruar se një mesazh elektronik kërcënues, që u dërgua në disa adresa institucionesh, është fals dhe u dërgua nga një adresë elektronike në Arabinë Saudite. Mesazhi përmbante kërcënime për vendosjen e lëndëve shpërthyese dhe kryerjen e akteve terroriste. Nga verifikimet paraprake, është rezultuar se mesazhi u dërgua nga një institucion arsimor në Arabinë Saudite.

Mënyra e dërgimit të këtij mesazhi paraqet ngjashmëri me raste të mëparshme, kur mesazhe të ngjashme kërcënuese janë dërguar nga adresa elektronike të komprometuara, që u përkisnin studentëve të institucioneve arsimore jashtë vendit. Strukturat e Policisë shtetërore po kryejnë verifikimet dhe veprimet e nevojshme hetimore për të përcaktuar origjinën dhe autenticitetin e mesazhit dhe për të zbardhur plotësisht rrethanat e rastit.