Policia e Shtetit: Mesazh elektronik kërcënues, dërguar nga Arabia Saudite

Policia e Shtetit ka deklaruar se ka marrë në vëmendje një mesazh elektronik kërcënues që është dërguar në disa adresa institucionesh. Mesazhi është dërguar nga një adresë elektronike që i përket një institucioni arsimor në Arabi Saudite. Nga verifikimet paraprake, rezulton se mesazhi është dërguar në ditën e sotme dhe përmban kërcënime për vendosjen e lendeve shpërthyese dhe kryerjen e akteve terroriste.

Strukturat e Policisë së Shtetit po kryejnë verifikimet dhe veprimet e nevojshme hetimore për të përcaktuar origjinën dhe autenticitetin e mesazhit, për të zbardhur plotësisht rrethanat e rastit dhe për të identifikuar personat përgjegjës për dërgimin e tij.