Dita e shtatë e protestës/ Një i ri i ofron ushqim efektivëve, të tjerët shkulin pllakat e trotuarit në rrugën e Durrësit dhe përgatiten për “betejë”
Protestuesit kanë nisur grumbullimin para Ministrisë së Arsimit, ndërsa disa prej tyre kanë ofruar ushqim efektivëve, të cilët kanë refuzuar ta pranojnë. Të tjerët shkulin pllakat e trotuarit në rrugën e Durrësit dhe përgatiten për një përplasje.
Në ditën e shtatë të protestave ka nisur grumbullimi para Ministrisë së Arsimit. Gjithçka duket se ka nisur e qetë, me disa nga protestuesit, që i kanë ofruar ushqim policëve. Efektivët kanë refuzuar ta bëjnë këtë, teksa kanë evidentuar faktin se protestuesi mund të jetë minoren. Nga ana tjetër, ka nisur edhe përgatitja e protestuesve me “bazën materiale”. Në pamjet e siguruara disa prej protestuesve shihet të shkulin pllakat e trotuarit. Në vijim pritet që t’i përdorin ato për të sulmuar Ministrinë e Arsimit dhe efektivët, nëse do të ketë përplasje.