Prokuroria e Tiranës: Nisin hetimet për veprimet e kryera nga punonjësit e Policisë së Shtetit

Prokuroria e Tiranës ka nisur hetimet për veprimet e kryera nga punonjësit e Policisë së Shtetit gjatë protestave studentore në Tiranë. Janë regjistruar 3 materiale kallëzuese lidhur me ngjarjet e ndodhura gjatë protestave. Materialet e regjistruara lidhen me ngjarjet gjatë të cilave janë dëmtuar shtetasit L.B. dhe M.S., si dhe me veprime të tjera të kryera nga punonjësit e Policisë së Shtetit. Prokuroria Tiranë, në koordinim me Agjencinë e Mbikëqyrjes Policore, po ndjek në vijimësi situatën e krijuar, me qëllim dokumentimin e çdo rast të mundshëm të shkeljes së ligjit dhe kryerjen e veprimeve përkatëse në përputhje me legjislacionin në fuqi.