Protesta në Tiranë: Policia hedh gaz dhe protestuesit hedhin sende të forta dhe molotov

Protesta në Tiranë ka hyrë në ditën e shtatë dhe vazhdon të jetë e dhunshme dhe të ketë përplasje mes protestuesve dhe efektivëve të policisë. Gazetarja e Top Channel, Anila Hoxha, raportoi drejtpërdrejt me emisionin “Shqipëria Live” se teksa protestuesit po marshojnë, hedhin dhe gurë ndaj policisë. Ajo shtoi se në rrugë ka edhe qytetarë që qëndrojnë, fotografojnë dhe shohin se çfarë po ndodh.

Gazetarja Marinela Lina raportoi për emisionin “Shqipëria Live” se protestuesit po marshojnë drejt bulevardit “Dëshmorët e Kombit” dhe policia po përpiqet që t’i shpërndajë. “Policia ka hedhur gaz lotsjellës, protestuesit janë përgjigjur duke hedhur sende të ndryshme dhe molotov”, tha gazetarja e Top Channel.