Policia ndaloi një 15-vjeçar për tentativën e vjedhjes së bankomati në Tiranë

Policia e Tiranës ka ndaluar një 15-vjeçar për tentativën e vjedhjes së një bankomati në qytet. Sipas njoftimit zyrtar, specialistët e Sektorit për Hetimin e Krimeve të Rënda kundër Pronës identifikuan dhe ndaluan të miturin pas veprimeve hetimore për ngjarjet e ndodhura gjatë protestave të fundit. Policia dyshon se 15-vjeçari, së bashku me persona të tjerë, ka thyer bankomatin në rrugën "Luigj Gurakuqi", me qëllim vjedhjen e parave. Hetimet vijojnë për identifikimin dhe ndalimin e personave të tjerë që dyshohet se janë përfshirë në këto ngjarje. Policia ia referoi materialet procedurale Prokurorisë për veprimet e mëtejshme.