Qendra Europiane për Lirinë e Shtypit dhe Medias dënon dhunën e policisë ndaj gazetarëve
Qendra Europiane për Lirinë e Shtypit dhe Medias ka reaguar ndaj rasteve të dhunës, intimidimit dhe pengimit të gazetarëve gjatë protestave të fundit në Shqipëri.
Qendra Evropiane për Lirinë e Shtypit dhe Medias ka reaguar ndaj rasteve të dhunës, intimidimit dhe pengimit të gazetarëve gjatë protestave të fundit në Shqipëri. Sipas të dhënave të publikuara nga Asociacioni i Gazetarëve të Shqipërisë, nga data 15 deri më 18 tetor janë regjistruar të paktën 25 incidente që kanë prekur punonjës të medias.
ECPMF thekson se gazetaret duhet të jenë në gjendje të kryejnë punën e tyre pa frikë nga kërcënimet apo sulmet. Prania e tyre gjatë protestave është thelbësore për dokumentimin e ngjarjeve dhe informimin e publikut në mënyrë të pavarur. Organizata ndërkombëtare i bën thirrje drejtpërdrejtë Drejtorit të Përgjithshëm të Policisë, Skënder Hita, për të marrë masa të menjëhershme për të ndalur sulmet ndaj medias.
ECPMF kërkon respektimin e lirisë së medias dhe të drejtës për informim. Organizata ndërkombëtare është e mendimit se siguria e gazetarëve dhe respektimi i lirisë së shtypit janë elementë të domosdoshëm për funksionimin e një shoqërie demokratike.