Përmbytjet në Spanjë, tre viktimë dhe shpëtimi i njerëzve me helikopterë

Të paktën tre persona kanë humbur jetën nga reshjet e rrëmbyeshme dhe përmbytjet që kanë përfshirë lindjen e Spanjës, ndërsa ekipet e shpëtimit po vijojnë operacionet për nxjerrjen e banorëve të bllokuar. Stuhia Adam ka shkaktuar reshje intensive përgjatë bregdetit mesdhetar, duke izoluar disa qytete. Dalja e lumenjve nga shtrati dhe vërshimi i ujërave nëpër rrugë kanë krijuar situata të rrezikshme. Trupi i pajetë i një gruaje u gjet të hënën në qytetin Oliva, gjatë operacioneve të kërkim-shpëtimit, duke e çuar në tre numrin e viktimave nga moti i keq. Dy gra të tjera u konfirmuan të vdekura gjatë fundjavës. Njëra u gjet në një plazh në Sagunto, në rajonin lindor të Valencias, ndërsa tjetra humbi jetën pasi u mor nga rrjedha e ujërave të përmbytjes në Cabrera de Mar, pranë Barcelonës.