Dita e tetë e protestës, situata e qetë pranë Ministrisë së Arsimit

Protestuesit pritet të mblidhen sërish në rrugët e kryeqytetit në ditën e tetë të rezistencës së tyre. Gazetarja Bleona Pengezaj nga “rruga e Durrësit” raporton se situata paraqitet e qetë, edhe pse protestuesit nuk janë mbledhur ende, policia ndodhet në gatishmëri për çdo situatë. Në shtatë ditët e para, revolta e qytetarëve është shoqëruar me përplasje, dhunë dhe shkatërrim të pronës publike dhe asaj private. Në shtatë ditë e para, grumbullime protestuesish ka patur edhe në qytete të tjerë të vendit, ndërsa janë regjistruar raste të izoluara dhune.