Rama drejton personalisht dhunën, por nuk e ndal dot ndryshimin

Kryetari i partisë “Mundësia”, Agron Shehaj, ka deklaruar se kryeministri Edi Rama është drejtor i policisë dhe i dhunës kundër protestuesve, por nuk e ndal dot ndryshimin. Shehaj ka thënë se protestuesit nuk provokuan asnjë akt dhune përpara se trupat e policisë të ndërhynin për t’i shpërndarë.

Shehaj ka theksuar se vendimmarrja për ndërhyrje operacionale vjen drejtpërdrejt nga kreu i qeverisë, i cili sipas tij po përpiqet të ruajë pushtetin me çdo kusht. Ai ka thënë se Edi Rama është i përgjegjës për dhunën kundër protestuesve dhe se ai ka bërë llogaritë gabim, sepse rina e sotme ka një kurajo të jashtëzakonshme dhe një dëshirë dhe një këmbëngulje që askush nuk e ka parë në këto 30 vitet e fundit.

Shehaj ka kërkuar që trupa akademike të mos mjaftohet me deklarata, por të qëndrojë fizikisht në shesh pranë të rinjve dhe të solidarizohet me bojkotin e studentëve. Ai ka thënë se forca e kësaj proteste qëndron te faktori qytetar dhe jopartiak dhe se Edi Rama do të detyrohet të largohet dhe të japë dorëheqjen sa më shpejt, pa kushte.