Protestat e dhunshme në Danimarkë: Policia shpërndan protestuesit me forcë dhe goditje me shkopinj gome

Pas përfshirjes së disa vendeve të Evropës në protesta javëve të fundit, një protestë e dhunshme u mbajt edhe në Danimarkë. Në këtë vend, reagimi i forcave të Policisë ishte shumë më i ashpër në krahasim me Shqipërinë. Efektivët kanë sulmuar me shkopinj gome protestuesit për të bërë që të mundur shpërndarja e tyre. Gjatë kundërpërgjigjes së efektivëve, edhe një gazetar mbeti i lënduar.

Ky nuk është rast i vetëm kur policia daneze përdor forcën kundër protestuesve. Edhe gjatë një proteste pro-palestineze të zhvilluar në muajin maj të këtij viti, para selisë së kompanisë Maersk në Kopenhagen, u shpërndan me forcë nga policia daneze. Efektivët lëshuan qentë pastore të "sulmit" dhe rrahën brutalisht demonstruesit. Gjithçka nisi pasi protestuesit kishin bllokuar hyrjen e ndërtesës së kompanisë Maersk në Kopenhagen.

Pas asaj proteste, 20 aktivistë nga Lëvizja e Rinisë së Gjelbër u arrestuan dhe u akuzuan për hyrje të paautorizuar.