Fëmija juaj refuzon papritur ushqimet e preferuara? Arsyeja që mund të fshihet pas këtij ndryshimi

Fëmijët mund të refuzojnë papritur ushqimet që dikur i pëlqenin, veçanërisht rreth moshës 2-vjeçare. Sipas ekspertëve, kjo sjellje është e zakonshme dhe mund të lidhet me shijet e reja, teksturat e panjohura ose dëshirën e fëmijës për të treguar pavarësinë e tij. Në këtë fazë, prindërit nuk duhet të shqetësohen menjëherë, pasi fëmijët mund të marrin lëndët ushqyese të nevojshme nga ushqime të tjera. Për të nxitur interesin për ushqimin, këshillohet që prindërit t’i përgatisin ushqimet në mënyra të ndryshme, t’i lejojnë fëmijtë t’i prekin dhe t’i nuhasin, si dhe të japin vetë një shembull të mirë me zakonet e tyre të të ngrënit. Detyrimi dhe këmbëngulja e tepërt mund ta përkeqësojnë situatën, ndaj durimi është i rëndësishëm. Megjithatë, nëse fëmija refuzon shumicën e ushqimeve për një kohë të gjatë, humbet peshë ose ka vështirësi gjatë ngrënies, prindërit duhet të konsultohen me një pediatër.