Qetësi jashtë Kuvendit, prani e policisë dhe medias

Parlamenti u rikthye në seancë plenare pas pezullimit javën e kaluar pas akteve të dhunës ekstreme gjatë protestave që nisën 9 ditë më parë në Tiranë. Maxhoranca tha se axhenda e ligjeve të integrimit dhe negociatave me Bashkimin Europian nuk mund të humbë kohë dhe të mbetet peng i dhunës së elementëve destabilizues që punojnë kundër Shqipërisë. Pamjet me dron nga protesta e njoftuar për t’u mbajtur jashtë ambjentit të Kuvendit tregojnë se situata është e qetë, deri më tani, ndërsa vihet re prani e madhe e policisë dhe e medias.