Sekuestrimi i pasurive të Çopjave në Elbasan, SPAK sekuestron 77 milionë lekë dhe makinat e tyre

Prokuroria e Posaçme Antikorrupsion ka sekuestruar pasuri të vlerës 77 milionë lekë dhe makinat e Çopjave në Elbasan. Sekuestrimet u bënë në kuadër të hetimeve ndaj grupit të Çopjave, i cili dyshohet se ka trafikuar në Evropë sasi të mëdha kokaine.

Në operacionin e fundit, SPAK ka sekuestruar pasuri me vlerë 77 milionë lekë, të vendosura në Tiranë. Bëhet fjalë për një biznes në fushën e shërbimeve taksi dhe hotelerisë dhe 25 makina Volkswagen dhe Toyota. Gjithashtu, është sekuestruar edhe një sipërfaqe toke bujqësore prej 2 mijë metrash katrorë në Sharrë, që dyshohet se i përkiste anëtarëve të këtij grupi.

Sipas hetimeve, grupi dyshohet se ka trafikuar në Evropë sasi të mëdha kokaine. “Nga hetimet janë zbuluar dërgesa shumëtonëshe kokaine nga Amerika Latine drejt porteve kryesore të BE-së, përfshirë Hamburgun, Anversin etj. Gjithashtu janë evidentuar rolet përkatëse të secilit prej pjesëtarëve të grupit kriminal, si dhe është dokumentuar i gjithë zinxhiri i transferimit të shumave monetare të përfituara nga aktiviteti kriminal”, thotë Prokuroria e Posaçme.

Anëtarët e këtij grupi kriminal u zbuluan nga komunikimet në platformën SkyECC, ndërsa deri më tani janë caktuar masa të sigurimit personal ndaj 16 personave.