Rasti i parë i njerëzve me virusin Samonda, një person humb jetën në Francë
Rasti i parë i regjistruar i infektimit me virusin Samonda te njerëzit është raportuar në Francë, ku një burrë ka humbur jetën. Virusin e kanë zbuluar në një mushkonjë e infektuar në pjesën lindore të Francës.
Organizata Botërore e Shëndetësisë (OBSH) ka vlerësuar se rasti i parë i regjistruar i infektimit me virusin Samonda te njerëzit nuk ka gjasa të shkaktojë përhapje të mëtejshme. Megjithatë, situata po monitorohet nga afër nga autoritetet shëndetësore.
Virusi Samonda zakonisht qarkullon te kafshët e fermave, dhe infektimi mund të ketë ndodhur pas pickimit nga një mushkonjë e infektuar në pjesën lindore të Francës. Autoritetet franceze kanë bërë të ditur se virusi qarkullon te kafshët kryesisht gjatë muajve të pranverës dhe verës, duke ngritur dyshime për një transmetim të mundshëm përmes insekteve.
Deri më tani, të dhënat e disponueshme nuk tregojnë për një rrezik të lartë të përhapjes së virusit te njerëzit. Rasti konsiderohet i izoluar, ndërsa ekspertët po vijojnë monitorimin për të identifikuar çdo zhvillim të mundshëm dhe për të sqaruar më tej mënyrën e transmetimit.
OBSH po ndjek nga afër situatën, ndërsa autoritetet shëndetësore po mbledhin të dhëna shtesë për të vlerësuar rrezikun dhe për të kuptuar më mirë karakteristikat e virusit.