Protesta e studentëve në Shqipëri: "Policia ushtronte terror, 90% të arrestimeve janë të paligjshme"

Gazetari Klevin Muka, në një intervistë për News24, tha se protesta e studentëve në Shqipëri ka ndikuar në vrasjen e frikës dhe se pakënaqësia shtrihet edhe te mbështetësit socialistë, të cilët përballen me vështirësi ekonomike dhe pasiguri për të ardhmen. Ai solli shembullin e një 15-vjeçari, i cili u godit me shkop gome nga policia ndërsa po hante bukë dhe e cilësoi këto raste skandaloze dhe të paprecedenta. Muka deklaroi se rreth 90 për qind e arrestimeve gjatë protestave janë shpallur të paligjshme. Ai theksoi se të rinjtë e shohin largimin nga Shqipëria si ëndrrën e tyre më të madhe, ndërsa shumë qytetarë nuk kanë mundësi të krijojnë familje apo të sigurojnë një strehë.