Kongresmeni amerikan: Qeveria t’i japë fund dhunës ndaj protestuesve në Shqipëri

Kongresmeni demokrat amerikan, Jim McGovern, ka reaguar për protestat në Shqipëri, duke i bërë thirrje qeverisë t’i japë fund dhunës ndaj studentëve dhe protestuesve. Ai ka shprehur shqetësim për përshkallëzimin e protestave dhe ka theksuar se njerëzit dalin në rrugë kur qeveria nuk u përgjigjet nevojave të tyre. McGovern ka kujtuar se e drejta për të protestuar paqësisht mbrohet nga e drejta ndërkombëtare dhe ka bërë thirrje autoriteteve të dëgjojnë aspiratat e popullit.