Ish-policët denoncojnë skandalin e uniformave blu

Pamjet e ditëve të fundit nuk janë thjesht një reagim i tepruar në terren. Ish-punonjës policie, Urim Gjatën, thotë se në këto protesta po shfaqet një polici që ka humbur kontrollin. Ai e sheh atë që po ndodh sot me sytë e dikujt që dikur ka qenë vetë pjesë e uniformave blu.

Gjatë u largua nga Shqipëria në momentet delikate të tranzicionit të një Shqipërie të sapodale nga diktatura. Për të shpjeguar pse e konsideron këtë dhunë të papranueshme, ai kthehet pas në kohë, kur policia ishte ende e lidhur ngushtë me sistemin e vjetër.

Por përtej krahasimit me të kaluarën, çfarë e dallon një punonjës policie që zbaton ligjin nga një mercenar me uniformë që e përdor forcen si përgjigje ndaj protestuesve? Sadetin Fishta, ish-drejtues i lartë i Policisë së Shtetit dhe aktualisht drejtues i sindikates së punonjësve të policisë, deklaron se dhunën që po përdoret është papranueshme dhe se përdorimi i forcës është në kundërshtim me ligjin.

Që të jemi të qartë, çështja nuk është nëse policia duhet të ndërhyjë, por si dhe deri ku mund të shkojë kjo ndërhyrje. Ndërkohë që grupe protestuesish të dhunshëm sulmojnë policinë, kjo e fundit po përdor pa hesap të gjitha mjetet e mundshme, pa u kufizuar aspak në ushtrimin e forcës, edhe pse shpesh gjen përballë persona të pambrujtur që janë aty thjesht për të protestuar.

A mund të konsiderohen veprime disproporcionale këto të segmenteve të Policisë së Shtetit? Ajo çfarë ka rënë në sy këto ditë protestash, është shfaqja në terren e efektivëve që nuk identifikohen, punonjës pa numra dallues apo automjet pa targa.

Për ish-policin Gjatë, problemi nuk nis e mbaron te efektivi që ngre shkopin. Ai e sheh dhunën si pjesë të një problemi shumë të thellë që përfshin të gjithë sistemin. Ish-polici tregon se përballa me urdhrat për të goditur protestuesit nuk është diçka e panjohur. 35 vite më parë, kur ishte vetë pjesë e policisë, ai thotë se u gjend përpara një momenti delikat.

Nëse policët do të ulen në shesh dhe do të japin dorëheqjen, besojeni se do të bjerë e gjithë kupola. Nuk do të vdesin për bukë. Në fakt, largimi nga policia nuk është aq i thjeshtë sa duket. Dy njerëz që e njohin policinë nga brenda, por nga pozicione të ndryshme, bashkohen në një pikë: përdorimi i forcës nuk mund të jetë i pakufizuar dhe uniforma nuk mund të shërbejë si mburojë për shkeljet e ligjit.

Por ka edhe diçka që duhet sqaruar. Sipas Fishtës, 2500 euro nuk është shpërblim i policëve, por pagesa për orët shtesë që nga dita e parë e tubimeve, të cilat kanë nisur në muajin maj.