Beqiri: Protestat nuk përfaqësojnë qytetarët, opozita synon të rrëzojë qeverinë me dhunë

Avokati Idajet Beqiri ka deklaruar në një intervistë në "Ora e Fundit" në ABC News se protestat që po zhvillohen në Shqipëri nuk përfaqësojnë qytetarët dhe studentët, por janë pjesë e një përpjekjeje për të rrëzuar qeverinë përmes dhunës. Sipas tij, opozita e ka të vështirë të vijë në pushtet me lidershipin aktual dhe, për këtë arsye, po përpiqet ta arrijë këtë qëllim përmes protestave të dhunshme.

Beqiri ka thënë se vendi opozitë nuk ka dhe që ata e dinë se nuk vijnë më në pushtet me këtë lidership. Ai ka akuzuar Sali Berishën për të kërkuar të marrë pushtetin me dhunë, me ndihmën e një bande të organizuar të Hamasit, që i shërben. Beqiri ka thënë se këta protestues nuk janë qytetarët e Shqipërisë, as studentët, as pedagogët, por anëtarë të Partisë Demokratike dhe të Këshillit Kombëtar të PD-së.

Ai ka thënë se studentët që dalin dhe thonë se janë studentë të mjekësisë janë në realitet bluzat e bardha të PD-së, sepse mendojnë se do të bëhet deti kos me këta pushtues që kanë në duar këto armë dhe që duan të rrëzojnë me çdo kusht rendin kushtetues të Shqipërisë. Beqiri ka thënë se me kriminelët nuk bëhet dialog dhe se ata që hiqen si studentë nuk e kuptojnë ku janë futur.