Rikthimi i orës dimërore dhe zhvendosja e akrepave

Më 25 tetor, do të rikthehet zyrtarisht ora dimërore, duke na dhuruar një orë më shumë gjumi. Gjatë natës, akrepat e orës do të zhvendosen 60 minuta pas, duke na dhuruar një orë më shumë gjumi. Ndryshimi do të bëhet në orën 03:00 të mëngjesit, kur akrepat do të kthehen në 02:00. Me rikthimin e orës dimërore, mëngjeset do të kenë më shumë dritë, ndërsa mbrëmjet do të errësohen më herët.

Megjithëse për shumë qytetarë ky ndryshim nënkupton një orë më tepër pushim, për të tjerët mund të sjellë vështirësi në përshtatjen e ritmit të gjumit dhe organizimin e aktivitetëve të përditshme. Ndryshimi i orës është një praktikë që zbatohet prej dekadash, me qëllim shfrytëzimin më të mirë të dritës natyrore. Kalimi në orën dimërore bëhet të dielën e fundit të tetorit, ndërsa rikthimi në orën verore të dielën e fundit të marsit. Edhe pse prej viteve është diskutuar mundësia e heqjes së ndryshimit sezonal të orës, kjo praktikë vijon të zbatohet në Shqipëri dhe në pjesën më të madhe të vendeve evropiane.